Witajće na virtuelny wopyt 6. sakskeje krajneje zahrodniskeje wustajeńcy 2012 w Lubiju a wutrobny dźak, zo so hižo nětko wo tutym wuznamnym předewzaću Wulkeho wokrjesneho města Lubij informujeće.

Wulce zwjeselił je nas rozsud statneho knježerstwa Swobodneho stata Sakska w decembrje 2007, zo ma krajna zahrodniska wustajeńca w Lubiju być. Dnja 23. apryla 2010 smědźach zhromadnje z našim ministerskim prezidentom Stanisławom Tilichom tutón wulki projekt z prěnim zarywom zahajić. Tež při tutej składnosći so pokaza, zo widźi wjele wobydlerjow wuhotowanje krajneje zahrodniskeje wustajeńcy jako šansu za wuwiće Wulkeho wokrjesneho města Lubij a zo chcedźa na postupowacym wuwiću projekta wobdźěleni być.

Naš zaměr je, Was po tutym puću na změny a wuhotowanje na ležownosći 6. sakskeje krajneje zahrodniskeje wustajeńcy skedźbnić, z tym chcemy Wam móžnosć skićić, nas při realizowanju koncepta přewodźeć.

Spočatnje snano hišće wšitke informacije njenadeńdźeće, kiž sebi přejeće, ale chcemy hompage wobstajnje z nowosćemi wudospołnjeć.

Z tym, zo so wupřestrěwace prózdne přestrěnje wožiwja, so nam poradźi, widźomnu ranu w napohledźe Lubija wuhojić. A Wy budźeće na tym wobdźěleni, hdyž zwoprawdźimy naš moto „Po krótkim puću do zeleneho ...“, z tym zo naše rjane nutřkowne město z našej Lubijskej horu zwjazamy.

Wjeselu so na zwoprawdźenje planow a přeju sej, zo bych Was 2012 jako hosća witać směł. Hač do toho časa pak so nadźijam, zo na hompage informacije namakaće, kiž su Wam wažne.

Waš wyši měšćanosta

Dietmar Buchholz