To enlarge the site, please click on the picture.

Něhdźe 20 ha wulka ležownosć zahrodniskeje wustajeńcy je w njeposrědnjej bliskosći stareho města w dole Lubaty. W tutej kónčinje dominowachu něhdy mnohe industrijne zawody, kotrež přewažnje hižo njeeksistuja, z wuwzaćom cokoroweje fabriki na z doła so pozběhowacej wyšinje. Z tutych nětko prózdnych płoninow maja kwalitne a ekologisce wuznamne zjawne swobodne rumy nastać, kotrež so přihódnje do města zarjaduja a kiž su za čas zahrodniskeje wustajeńcy wotměnjawe wustajenišća.

Koncept předwidźi, zo so wosebitosće tuteje krajiny wědomje akcentuja, wužiwaja a do architektoniskeho cyłka města wjazaja. Z nowym swobodnym rumom maja so wšelake dźěle města a swobodne płoniny w měsće z wokolnej krajinu zwjazać. Wobydlerjam susodnych bydlenskich štwórćow maja so bliske móžnosće k wočerstwjenju skićeć. We wobłuku krajinoarchitektoniskeho wubědźowanja wo ideje a jich realizowanje dźe wo to, zo zwiski mjez „rumami“ města nastanu, zo so potenciale, kotrež tudyša krajina poskića, zesylnja a něhdyše industrijne wobłuki na přijomne zjawne bliskowočerstwjenišćo přetworja. Koncepcija za cyłu ležownosć wustajeńcy ma k načasnej zahrodniskej kulturje dołhodobnje přinošować.