Składnosć

W lěće 2012 wuhotuje město Lubij 6. saksku krajnu zahrodnisku wustajeńcu. Zo móhła so krajna zahrodnisa wustajeńca wuhotować a pozdźišo wužiwać a zo by so po móžnosći šěroki spektrum idejow a naćiskow zdobył, bu po wšej Europje krajnoarchitektoniske wubědźowanje wo ideje a jich realizowanje wulosowane.

Tema

Tema wubědźowanja bě planowace a tworićelske wobchadźenje z krajinu za nastawacu krajnu zahrodnisku wustajeńcu 2012 w Lubiju. Wubědźowanje rozrjaduje so do dźěla pytanja idejow a dźěla realizacije. Dźěl realizacije (hłowny dźěl) wopřija wuhotowanje płoninow za krajnu zahrodnisku wustajeńcu za čas jeje přewjedźenja w lěće2012 kaž tež koncepciju za jich dołhodobne wužiwanje.

W dźělu pytanja idejow dźe wo to, susodne płoniny w běhu  krajneje zahrodniskeje wustajeńcy tworićelsce a městotwarsce dale wuwiwać a z płoninami krajneje zahrodniskeje wustajeńcy funkcionalnje zwjazać. To płaći tež za płoniny, kotrež wužiwaja so za wotkryće a přiwjazanje hłowneho dźěla.

Zaměr

Zaměr je, zo nastanje dołhodobna zeleń na płoninach w měsće, kiž běchu wjele lět zanjechane. Tak ma so atraktiwita města za wobydlerjow a hosći polěpšić. Nowy přijomny zjawny swobodny rum ma nastać a bywše industrijne stejišća maja wyšu  ekologisku hódnotu dóstać. Zdobom ma so zahrodniskim powołanskim zwjazkam móžnosć skićić, so w lěće krajneje zahrodniskeje wustajeńcy z naročnymi wupłodami swojeho dźěła šěrokemu publikumej prezentować. Při tym maja so wosebitosće krajiny wobkedźbować.

Dobyćerski koncept

Postajowacy strukturny element je wóska hłowneje dróhi přez sewjerne a wuchodne płoniny wustajeńcy, kotraž bu Promenada přez hórki a doliny pomjenowana. Wužiwajo nětčiše puće a šćežki nastanje na tute wašnje zwjazowaca linija mjez hłownymaj zachodomaj při Cokorowym plateau a starym městom. Podłu tuteje linije pletu so najwšelakoriše dźěle a temy wustajeńcy.

Postajowacy element w koncepće wustajeńcy je wužiwanje a přetworjenje bywšich wotsadźenskich wužłobinow k fantaziju pozbudźowacej kónčinje, w kotrejž móže čłowjek něštožkuli dožiwić a nazhonić. To so poradźi dźakowano asociatiwnje zasadźenym materialijam, rostlinam a rozdźělnemu stawej wody. A to wšo k zakładnej temje „cokor“. Poprawne płoniny přehladkow wupřestrěwaja so podłu wšitkich promenadow w formje rozćehnjenych tak mjenowanych měnjatych florow a w dolinach jako tematiske wobłuki kiž su w formje napadnych kristalinych strukturow připrawjene.

Koncept wuzběhuje wědomje liniju mjez starym městom a Cokorowej wyšinu a so w dalokej měrje wobstejacej topografiji přiměri. Wažne wuchadźišćo bě tež, zo so krajina a wodźizny přez zasahnjenje čłowjeka njetrjebawšo njezměnja. Wuwzaće je nowy nasyp sewjernje cokoroweho składa, zo by tak mjenowane přirodne jewišćo nastało.