Nimo noweho wuhotowanja  terena krajneje zahrodniskeje wustajeńcy nam wosebje na wutrobje leži, zo našim hosćom w lěće 2012  kulturnu bohatosć regiona na 170 dnjach pokazamy a zbližimy.

Tak budźe wopytowarjow krajneje wustajeńcy na wulkim jewišću pod hołym njebjom wobšěrny zabawny a zarjadowanski program přewodźeć. Wjeselimy so tež, zo smy Utu Brězanowu a Olafa Bergera jako hudźbneju kmótow za krajnozahrodnisku wustajeńcu w Lubiju zdobyli.

Za kóždy słód a za wšitke starobne skupiny skića pisany a wotměnjacy jewišćowy program z kulturu, hudźbu, dźiwadłom a folkloru tójšto wosebitosćow. Dajće so překwapić a wjeselće so hižo nětko z nami  na krajnu zahrodnisku wustajeńcu 2012 w Lubiju.

Poskićamy tež towarstwam móžnosć so w programje krajneje zahrodniskeje wustajeńcy kulturelnje předstajić. Prošu skontaktujće so z knjezom Birnbaumom, nawodu za organizowanje zarjadowanja.

Wjeselće so mjez druhim tež na:

Thomasa Stelzera a team

Lubi wopytowarjo krajneje zahrodniskeje wustajeńcy 2012 w Lubiju,

Thomas Stelzer a jeho hosćo wuhotuja “Drježdźanski dźeń“ na krajnej zahrodniskej  wustajeńcy. Woni wjesela so na tutón dźeń, přeja organizatoram dobre poradźenje a wšitkim wopytowarjam rjany čas na zarjadowanjach.

Acustic-lounge a hosćo
 

 Serbski ludowy ansambl
Witamy Was na Krajnu zahrodnu wustajeńcu w Lubiju 2012! 100 lět DOMOWINA – Zwjazk Łužiskich Serbow!

A tohodla tutón spodobny pisany podawk so bjez nas njewotměje,wšako słuša serbska kultura do kraja a do programa Krajneje zahrodneje wustajeńcy.

Wjeselimy so na Waš wopyt a hižo nětko: Witajće k nam!

Lubijscy hórscy muzikanća z.t.

“Krajna wustajeńca Lubij 2012 – my tam budźemy z našim wjelestronskim repetoirom!” 

 
ADTV rejowanska šula Lucke a TSC Metropol Lubij – Neugersdorf

Wjeselimy so, zo směmy so na krajnej zahrodniskej wustajeńcy w Lubiju 2012 wobdźělić. Čaka na Was wotměnjacy showowy rejowanski program.

Modowy team Drježdźany

Modowy team so wjeseli, zo smě 2012 w Lubiju pódla być.

Dancing Girls

“Dancing girls” so 2002 załoži a wobsteji ze 6 sobustawow. W programje rejowarskeje skupiny njejsu jenož ludowe reje, ale tež moderne reje z Łaćonskeje Ameriki a hip-hop widźeć.

Ze swojimi samošitymi kostimami rozeznawa so tuta rejowarska skupina wosebje wot druhich.

Zgorzelečanski mandolinowy orchester

Zgorzelečanski mandolinowy orchester bu w Zgorzelecu (Pólska) w měšćanskim kulturnym domje 1989 załoženy. Jeho załožer, hudźbny poradźowar a nawoda je Tadeusz Grudziński. Orchester wobsteji wosebje z dźěći a młodostnych w starobje wot 12 do 33 lět.

Wot cyłkownje wjace hač 450 koncertow, kotrež ma orchester na swojim konće zapisane, hraješe so něhdźe 250 z nich we wukraju. Přez 410 hudźbnych kruchow z najwšelakorišich žanrow pólskeje a swětoweje hudźby zahori přeco zaso připosłucharjow.